Jou ūtrū godu, rudiņs breivlaikā, Maltys vydsškolā tyka reikuotys latgalīšu volūdys nūdarbeibys “Vasali breivlaikā!”. Treis dīnys bārnim beja īspieja aktivi, izzynūši un lītdereigi pavadeit sovu breivū laiku.
Skūlāni vuicejuos kaļt rūtys un izrūtuot tuos ar latvju rokstu zeimem, kas saguodoja lelu prīcu. Kotru dīnu tyka gataveiti un degustāti latgalīšu iedīni. Naiztyka ari bez dzīduošonys un doncuošonys nūdarbeibom, kuru laikā skanēja i tyka izdzīduotys , izritmizātys latgalīšu dzīsmis. Skūlāni īpazyna latgalīšu pūdnīkus un praktiski dorbuojēs darbneicā “Malny vylki”, kur taiseja poši sovus muola traukus. Nūslāgumā vysi cīnuojēs ar blīnim, kas capti iz guņskura i dzēra čymynu čaji.
Informaceji apkūpuoja Rasma Afanasjeva,
latgalīšu rokstu volūdys puļceņa vadeituoja
